“AlgoMath” inkişaf proqramı 3 mərhələdən ibarətdir. İlkin mərhələdə yerli mütəxəssislər və xarici professorlar tərəfindən hazırlanmış imtahan sualları şagirdlərin riyazi biliklərini, məntiqi, kritik və algoritmik düşünmə qabiliyətini ölçür. İmtahanın əsas məqsədi “AlgoMath” inkişaf proqramı üçün lazımi bilik səviyyəsinə malik namizədləri bütün ölkə üzrə seçərək, növbəti mərhələdə iştiraka hazırlamaqdır. Qoşulacaq şagirdlərin rahatlığını düşünərək imtahan Respublikanın regional mərkəzlərində də keçirələcəkdir. İkinci mərhələdə iştirak hüququ qazanmış, ən yüksək bal toplamış 50 şagird individual müsahibəyə dəvət ediləcəkdir. Müsahibə zamanı şagirdlərin karyera və ixtisas seçimi üzrə planları müzakirə edilərək bacarıq imkanları araşdırılacaqdır. Müsahibə nəticəsi üzrə 10 nəfər son mərhələyə keçid alacaqdır. Son mərhələdə seçilmiş 10 nəfər üçün əvvəlcə ekspertlərlə konsultasiya təşkil olunaraq fərdi inkişaf planı hazırlanacaq və 1 il müddətində top universitetlərə qəbulu üçün lazım olan bütün biliklər tam ödənişsiz təmin ediləcəkdir.
Bütün proqram müddətində BrainIMO komandası şagirdlərin yanında olaraq proqram üzrə şagirdlərin inkişafı yaxından izləyir.
English
Azərbaycanca