Şagirdlər "ALgoMath" inkişaf proqramında iştirak edərək, imtahan nəticəsinə görə, müxtəlif pul mükafatları və top universitetlərə qəbul üçün ehtiyac olan dərsləri tam ödənişsiz əldə edə bilərlər. İnkişaf proqramının ilk mərhələsində təşkil olunacaq imtahanda hər üç kateqoriya üzrə birinci yerə 500 AZN, ikinci yerə 300 AZN və üçüncü yerə 200 AZN məbləğində pul mükafatı veriləcəkdir. Eyni zamanda, ən yüksək bal toplamış 50 şagird individual müsahibəyə dəvət ediləcəkdir. Müsahibə zamanı şagirdlərin karyera və ixtisas seçimi üzrə planları müzakirə edilərək bacarıq imkanları araşdırılacaqdır. Müsahibə nəticəsi üzrə 10 nəfər son mərhələyə keçid alacaqdır.
Seçilmiş 10 nəfər üçün əvvəlcə ekspertlərlə fərdi konsultasiya təşkil olunacaqdır. Valideynləri ilə birliktə iştirak edəcəyi konsultasiyada şagirdlərin hədəfləri, istiqamətləri müəyyən olunaraq, hər bir şagird üçün fərdi inkişaf planı hazırlanacaqdır. Bu inkişaf planı əsasında şagidlərə tamamilə ödənişsiz SAT, IELTS, CALCULUS, Proqramlaşdırma dilləri, yazı bacarıqları (essay writing), natiqlik, biznesin idarə olunması, publika qarşısında çıxış etmə bacarıqları üzrə təlimlər veriləcəkdir. Bundan başqa, şagirdlərə liderlik bacarıqları qazandırmaq üçün real rəhbər şəxslərlə mühazirə və görüşlər keçiriləcəkdir. Programın sonuna qədər şagirdlərin sosial aktivliyini təmin etmək məqsədi ilə müxtəlif “Capstone” lahiyələr təşkil olunacaqdır. Bu mərhələnin əsas məqsədi seçilmiş şagirdlərin tam olaraq sərbəst fəaliyyətini təmin etmək və hədəflədiyi universitetə qəbulu üçün lazımi səviyyəyə yetişdirməkdir. Təlimdən sonra da BrainIMO komandası şagirdlərin yanında olacaq və Universitetlərə qeydiyyat prosesində də yaxından dəstək olacaqdır.
English
Azərbaycanca